BRAND Theodorus

BRAND Theodorus

Basiliensis, fil. Senatoris, Latine doctus Chirurgiae primo se dedit, inde Helvetiorum castra seqnutus, A. C. 1513. praeliô Novariensi memorabili praeclarum fortitudinis specimen edidit. In senatum post haec cooptatus, prudentiâ et facundiâ suâ meruit, ut Rei publ. nomine ad Helvetiorum Comitia et Principes vicinos saepius Legatus mitteretur. Interea, cum sub Reformationis initia seditio timeretur, A. C. 1529. cives alloquiô suô qua privatô, qua publicô, in officio feliciter continuit. Exin Scholarcha constitutus, auctor gravis fuit, ur Academia instauraretur, et viris doctis exornaretur, Tribunus Pleb. A. C. 1534. Consul, A. C. 1544. electus, decessit, A. C. 1558. aetat. 70. optimum exemplat posteris suis, qui ad nostratempora summis muneribus cum laude defuncti. Melch. Adami Vitis ICtorum, et P. Freherum d. l.